full screen background image
   الأربعاء 28 أكتوبر 2020
ر
الشعانبي-التيماء

هزيت عيوني…شعر سناء بنت صالح عاتي

هزيت عيوني
ڨابلني يفرفت وينين
لا وخي ولا صدر حنين
يا جبل العالي لا عندك
تالي ولا الي
نيرانك تشعل
كينك هزيت المشعل
ياشهيلي شبيك
نا كلامي وجهتو ليك
الشعانبي مقهور
لا حارس ولا حتى سور
لاغزالة تجري في سوحو
ولا كليلة تردلو روحو
لا اشكون نشكو وانبوحو
ومنهو الي يداويلو جروحو
يا ربي اسمعنا
نشكولك رانا تليعنا
هالارض الحرشة
عمرها ماتفنى ولا ترشا
اعطينا لمية
تطفاش وتبرد الكية
يا جبال اشبيكم
تشوفوا ونسيتو اماليكم
كتهزوا الرأس
تلقوه عالي بلا ساس
تونس شرفها
والدنيا جملة خوفها
ودخانو نبت الدفلة
زغاريد الموت
على جنودنا ماتوا بلا صوت
فوق الألغام
تحرقوا هوما والاحلام
ماعاد كلام
والله ڨلبي مضام………

الكاتبة :سناء بنت صالح عاتي