زعمة مطرنا هي مطركم؟
زعمة قدرنا هو قدركم؟
زعمة البرد يخش عليكم؟
يتسرسب يمس كلاويكم؟
زعمة الريح تهب في دارك؟
زعمة تعصر اعضام صغارك؟
ولد الريف علاش يموت؟
وكتبتو اسمو على حيوط
بالطبعة من هاك الواد
ماتوا فيه عباد وعباد
قصدوا ثنية في البلاد
انا بنية نسأل فيكم
إعتبروني من ذريكم
زعمة نشر الواد نعدي؟
نخلط نقرا مع بنات ندي؟
نتمنى ننجح ونفوز
ويكبر لين نولي عزوز
ونعيش روحي في الخير
لا مزية لوعود الغير
نسيتونا بعد انتخاب
خدمتو بينا وكنا احباب
مهى ضاعت في الواد
حسوا يالي عندو ولاد
غرقت غابت العين الزرقة
وفي قلب أميمتهاحرقة
زعمة بعدي تفيق الناس
ويتحرك فيهم لحساس
الشاعرة:سناء عاتي
