full screen background image
   الأربعاء 28 أكتوبر 2020
ر

حداد . …بقلم:علي زمور

بقلم:علي زمور (باللغة الدارجة)

لا تندبوا حرائر في وطني ماتوا
غير اندبوا على شعب طال سكاتو
1
لا تندبوا على الحره
لوكان فيكم للكرامه ذره
ظهرت حقائق خافيه تتعرى
تكشف حكومه وطننا رهناتو
يزي تعبنا من الحياة المره
وحكم اللي خدعنا بلحيتو وصلاتو
2
ما تندبوش عليها
ماتت دموع الفقر في عينيها
هذي حكومه الشعب ما يعنيها
شربت عرقنا ودمنا مصاتو
واذا يحب المساله ينهيها
هذي الشوارع لعنفها ناداتو
3
لا تندبوا قتلانا
يا اللي خليتوا ريفنا جبانه
انتم فصيله طبعها خوانه
نسخه رديئه من النسخ اللي فاتو
ورجعتوا كما كنتو قبل طحانه
تساند حكومه خيرنا نهباتو
4
رجعتو فصيل يساند
حكومة قذاره يقودها ها الشاهد
واستاسدت جرذان عهد البائد
لأجل المصالح في الخفاء سنداتو
ورغم المحن الشعب يبقى للقائد
يا اللي نسيتوا شعبنا وهباتو
5
غير اندبوا واقعكم
هذي حكومه مصممه تجوعكم
ولعهدالخلافه ناويه ترجعكم
ولقمعكم جهازها طلقاتو
وتحلم يجيها نهار وتركعكم
وتايدوا من نهضته انتخباتو